Кајли Џенер го привлече вниманието на јавноста на овогодишната Met Gala бидејќи се појави во венчаница и капа. На многумина не им се допадна оваа модна комбинација. Таа потоа објасни зошто се одлучила за овој изглед.
Имено, таа облече венчаница од бела боја за да му оддаде почит на основачот на брендот Вирџил Аблох, кој почина од рак минатиот ноември на 41-годишна возраст.
„Вирџил и јас планиравме да се појавиме заедно на Met Gala во 2020 година, но тоа беше откажано. Вечерва сакам да покажам колку бил талентиран во модата. Со оваа венчаница му оддавам почит на мојот прекрасен пријател. Вирџил, почувствувавме дека и ти беше присутен. Ќе те сакаме засекогаш. Благодарам на целиот Off-White тим“, рече Кајли.
Таа на својот YouTube канал објави видео во кое можеме да видиме како поминале нејзините подготовки за овогодинешната Мет Гала. Била свесна дека многумина ќе ја критикуваат, но не ѝ било грижа.
„Не чувствувам притисок затоа што го правам ова во спомен на мојот пријател. Толку многу го сакам што не ми е грижа што ќе си помислат луѓето“, рече таа.