Лидерите на ЕУ ќе се договорат на самитот оваа недела за заеднички набавки на гас, течен природен гас (LNG) и водород пред следната зима, објави денеска Reuters по увидот во нацрт-завршната изјава.
„Во пресрет на следната зима, земјите-членки и Европската комисија итно ќе ги здружат напорите за купување гас, LNG и водород заедно“, се вели во нацрт-изјавата на европските лидери.
Водородот е гас со практично нула емисија на CO2 и влијание врз климатските промени.
Поради руската инвазија на Украина, најголемиот снабдувач на гас во Европа, цените на енергијата скокнаа на рекордно високо ниво, а ЕУ не може да се потпре на рускиот гас оваа година и затоа ќе мора да се сврти кон увоз од Катар и од САД.
Русија обезбедува 40 отсто од вкупното количество гас што ѝ е потребно на Европската Унија.
Европската комисија ќе им помогне на членките да купуваат гас заедно оваа година, а оваа недела се очекува да предложи правила со кои членките ќе бараат да полнат 90 отсто од нивните резервоари за гас пред секоја зима.
Снабдувањето со гас во ЕУ сега е со капацитет од 26 отсто.
На самитот на 24 и 25 март, лидерите ќе разговараат и за мерките за заштита на потрошувачите од високите цени на енергијата и како да се „оптимизира“ функционирањето на енергетските пазари.
Според нацрт-изјавата, од ЕК ќе се побара да преземе „неопходни иницијативи“ за тоа.
Сепак, изнаоѓањето заедничка стратегија на ЕУ се покажува како многу тешко бидејќи членките се во голема мера одговорни за нивните национални стратегии и не се согласуваат за „скротување“ на цените на енергијата.
Шпанија, Белгија, Португалија, Италија и Грција бараат интервенција на европските енергетски пазари и облекување на ценовната граница, на што се противат Германија, Холандија и Данска.
