Мексиканската боксерска сензација Саул Канело Алварес во октомври, 2018 година потпиша договор со DAZN вреден 365 милиони долари и оттогаш ужива во луксуз.
Мексиканскиот боксер му дозволи на новинарот Греам Бенсинџер да го посети неговиот имот во Гвадалахара, покажувајќи му го луксузот што го поседува.
„Имотот го купив пред седум години бидејќи сакам ваков вид куќи. Не го покажувам ова за да се фалам, туку за да ги мотивирам другите. Продавав сладолед на улица, а погледнете го сега ова“, вели Канело.
Коментирајќи ги автомобилите, тој додаде:
„Rolls Royce никогаш не возам, секогаш седам назад и го користам за посебни прилики“.
Канело држеше титули во четири различни категории, од полусредна до полутешка, а професионалец стана на 15-годишна возраст.
Единствениот пораз во кариерата го доживеа од Флојд Мејведер, со него влезе во рингот кога имаше 23 години. Победата Мејведер ја однесе по одлуката на судиите.