Кога Мајк Ешли го купи Њукасл во 2007 година, потегот беше дочекан со оптимизам.
Новиот сопственик беше вистински милијардер – одлична вест за фановите кои одвај чекаа клубот да се врати во Лигата на шампиони каде само четири години претходно се натпреваруваа против Барселона, Јувентус и Интер.
Но, наместо слава и почит, сопствеништвото на клубот од „Сент Џејмс Парк“ на Ешли му донесе омраза, откако легендарниот менаџер Кевин Киган даде оставка и клубот во 2009 година за првпат беше исфрлен од Премиер лигата.
Низ годините, беше мета на критики од пошироката фудбалска заедница и стекна злогласен имиџ за начинот на кој го водеше фудбалскиот бизнис.
Во средината на април годинава се појави веста дека контроверзниот сопственик на Њукасл конечно ќе им ја исполни желбата на навивачите и ќе го продаде клубот и тоа на саудиската фондација PIF која е во сопственост на принцот и престолонаследник Мохамед бин Салман.
Ешли наводно го понудил Њукасл за 350 милиони евра. PIF требаше да даде 80% од сумата, а по 10% да останат во сопственост на браќата Рубен и Аманда Стејвли, основач и главен извршен директор на PCP Capital.
Ешли имаше само еден услов за продажбата – 47-годишната милионерка Стејвли да биде претседателка на клубот.
Football Daily направи анализа како Мајк Ешли стана најомразениот човек во фудбалот.
