Фудбалерите на Манчестер Сити се подготвуваат за голем дуел против Баерн во четврт-финалето на Лигата на шампионите, а таму Ерлинг Холанд претстави нов изглед.
Холанд нема потреба да привлекува внимание со било што надвор од теренот бидејќи е на врвно ниво откако се појави на големата фудбалска сцена. Сепак, одвреме-навреме привлекува внимание со менување на својот изглед, а тоа е случај и пред вечерашниот дуел помеѓу Манчестер Сити и Баерн.
Брилијантниот Норвежанец веќе има 44 гола оваа сезона во сите натпреварувања и ќе биде најголемата закана на Баерн на вечерашниот натпревар. Додека играчите на Сити се подготвуваа за Баварците во тренинг центарот, вниманието привлече новата фризура на Холанд.
Вниманието на навивачите го привлече промената на изгледот на Холанд. Поранешниот играч на Дортмунд обично ја носи долгата руса коса врзана во опавче, но сега решил да носи внатрешни плетенки, со кои уште повеќе потсети на Викинзите, а некои обожаватели го споредија неговиот стајлинг со оној на климатската активистка Грета Тунберг.
Останува да видиме дали овие плетенки ќе му донесат среќа на Холанд против Баерн на вечерашниот натпревар. На „Етихад“ вечерва од 21 часот се среќаваат двајцата главни претенденти за титулата европски првак. Во исто време се игра и дуелот помеѓу Бенфика и Интер.