Во изминатите 24 часа во нашата држава се направени 1.545 тестирања, а од новорегистрираните случаи, 90 се во Скопје, а потоа следуваат Куманово-17, Дебар-6, Штип-9, Прилеп-3, Тетово-12, Струга-12, Битола-2, Охрид-4, Кавадарци-2, Гостивар-5, Струмица-2, Радовиш-1, Крушево-1, Пробиштип-3, Демир Хисар-1, Свети Николе-24, Кичево-3, Ресен-2.
- Во изминатите 24 часа во Босна и Херцеговина се регистрирани 316 лица позитивни на коронавирус, што е најмногу од почетокот на епидемијата, соопштија надлежните власти.
197 се заразени во Федерацијата БиХ, а 119 во Република Српска.
Во изминатите 24 часа пријавени се три смртни случаи во Сараево и Високо.
Од почетокот на епидемијата во БиХ, потврдени се 6.402 случаи на коронавирус, додека вкупниот број на смртни случаи изнесува 219.
- Во Србија 345 новозаразени со коронавирусот, починале 12 лица
Во последните 24 часа во Србија се потврдени 345 нови случаи на коронавирус, а тестирани се 7.032 примероци.
Во истиот период починале 12 лица. Процентот на смртност е 2,11 отсто.
На респиратор се 130 пациенти, а вкупниот број на активни случаи изнесува 3.911, објавено е на веб-страницата на српското Министерство за здравство.
- Рекордни 140 новозаразени со коронавирусот во Хрватска
Со 140 новозаразени лица, Хрватска во последните 24 часа постави нов рекорд за едно деноноќие, а починало едно лице.
Националниот штаб за цивилна заштита соопшти дека во земјата има 1.088 активни случаи, од кои 124 пациенти се во болница, а тројца се на респиратор.
Од 25 февруари, кога е регистриран првиот случај на зараза во Хрватска, досега се регистрирани вкупно 3.672 лица заразени со новиот коронавирус, од кои 118 починале, а 2.466 оздравеле.
Во моментов има 4.756 лица во самоизолација.
До денеска, тестирани се вкупно 92.808 лица, од кои 1.322 во последните 24 часа.
- Во Албанија расте бројот на заразени со COVID-19
Нови 93 случаи, шестмина оздравени и четворица починати е билансот од последното деноноќие за состојбата со COVID-19 во Албанија.
– Од направените 420 тестови на сомнителни случаи, позитивен резултат е добиен кај 93 од нив, што е највисока бројка од појавата на пандемијата на почетокот на март, од кога се направени 31.933 тестови. Вкупната бројка на заразени се зголеми на 3.371 лице, битката со опасниот непријател ја добија 1.881, ја изгубија 89, а активни на болеста се 1.401 лице, се наведува во соопштението на албанското Министерство за здравство и социјална заштита.
- Во Бугарија уште 292 нови случаи на коронавирус
Во последните 24 часа во Бугарија се регистрирани 292 нови случаи на коронавирус од 4.540 тестирани, а пет лица починаа.
Според Центарот за информации за коронавирусот, оздравеле 79 пациенти.
Во болниците низ земјата има 516 пациенти, од кои 32 се на интензивна нега.
Од почетокот на пандемијата, во Бугарија се заразени 6.964 луѓе, а во моментов има 3.389 активни случаи. Досега вкупно починале 267 лица.
