Постарата ќерка на Моника Белучи и Венсан Касел, Дева Касел, се појави на модната недела во Париз, а со една промена сега неодоливо личи на мајка ѝ.
Иако Моника е една од најубавите, а воедно и најпопуларните жени во светот, Дева не била многу често експонирана во јавноста. Сепак, таа неодамна се појави на Модната недела во Париз.
Ќерката на Моника Белучи беше меѓу големиот број познати личности од светот на модата кои присуствуваа на ревијата на Dior.
Таа на настанот се појави во црн елегантен фустан, а целокупниот изглед го заокружи со драстична промена на фризурата. Сега со кратка црна виткана коса до израз доаѓа нејзината женственост, но и цртите на лицето кои јасно укажуваат од кого ја наследила убавината.
Оваа 18-годишна девојка сигурно ќе има успешна манекенска кариера, бидејќи генетиката завршила добра работа. Додека едни ја сметаат за копија на нејзината славна мајка, други сметаат дека е уште поубава.
Дева до сега ги красеше насловните страници на бројни модни списанија како Elle, Harper's Bazaar и Vogue.
