Осумнаесетгодишната Дева Касел, ќерка на Моника Белучи и Венсан Касел, е една од најбараните манекенки и многумина сметаат дека е поубава и од нејзината мајка.
Моника беше во брак со Венсан од 1999 година до 2013, а во бракот добија две ќерки. Во периодот од 1996 година до 2006 година парот глумеше заедно во девет филмови. Сепак, постарата ќерка, осумнаесетгодишната Дева тргна по стапките на мајка си.
Италијанската актерка важи за една од најубавите жените во светот, а досега се има појавено на различни списанија. Нејзината ќерка исто така се одлучи да биде модел и засега може да се пофали со одлична работа.
Пред неа е блескава кариера, а доказ за тоа е фактот што неодамна се најде на насловната страница на познатиот магазин Vogue.
Неизбежно е луѓето да ја споредат нејзината убавина со онаа на мајка ѝ, а мислењата се поделени – додека едни сметаат дека е поубава од Моника, други велат дека не е ни приближно убава како неа.