Додека на теренот му оди феноменално, Ерлинг Холанд очигледно не може да се пофали со кулинарските способности, барем ако му се верува на неговиот последен оброк со кој ги згрози навивачите.
Голема заслуга на доминацијата на фудбалскиот терен Холанд ѝ припишува токму на неговата строга диета. Сепак, оброкот што го приготви синоќа не влева доверба кај фановите дека е врвен експерт во кујната.
По победата над Евертон (0:3) во која одличниот Норвежанец го постигна својот гол број 36 во Премиер лигата оваа сезона, Холанд се пофали на социјалните мрежи објавувајќи фотографија од специјалитетот кој сам го направил.
Очигледно бил доста возбуден поради својот специјалитет и на фотографијата напишал „Проклето убаво“. Фотографијата брзо се рашири на социјалните мрежи, но освен него, на никој друг не му се допадна.
„Заборавил да го пушти кучето надвор пред натпреварот“, „Дали ова воопшто е за јадење?“, „Овој човек едноставно јаде било што“, се коментарите на Twitter.
Англиските медиуми успеаја да откријат за што се работи. Имено, Холанд подготвил парчиња говедски џигер на хартија за печење.
Неговиот специјалитет веројатно би му се допаднал единствено на синот на Дејвид Бекам, кој често се фали со своите специјалитети кои на останатите не им изгледаат примамливо.