Еден од најголемите фудбалери на денешницата, Ерлинг Холанд, беше исвиркан по натпреварот меѓу Норвешка и Шкотска во квалификациите за Европското првенство.
Норвежаните доживеаја шок и пораз од Шкотска на домашен терен, иако имаа водство на пет минути до крајот кое го донесе Ерлинг Холанд. Но, тогаш напаѓачот на Манчестер Сити излезе од игра, а Шкотите со два гола во минута го свртеа резултатот и победија.
На паркингот пред стадионот се случи една многу интересна сцена. На снимката по натпреварот се гледа како голема група навивачи на Норвешка, главно деца, го чекаат својот нов херој.
Младите фанови го замолија Холанд да им се придружи, да даде автограми и можеби некому да му ја исполни желбата да се фотографира со него. Сепак, тоа не се случи.
Напаѓачот на Сити само им мавна и се качи во автобусот, по што следеа бројни свирежи од неговите навивачи.
Да потсетиме, поразот од Норвешка е голем удар за шансите на домаќинот да биде на ЕП по 24 години чекање. Норвежаните имаат само еден бод во првите три кола.