Полицијата во Дубаи вчера соопшти дека се уапсени повеќе од 15 девојки под обвинение за разврат и голотија поради снимка на која се гледа како се фотографираат целосно голи на балкон во зграда.
По брзата реакција на полицијата и обвинителството во Емиратите, девојките и организаторот на тој настан се уапсени и депортирани.
Станува збор за девојки од Русија, Украина, Белорусија и Молдавија кои заедно со руски фотограф, кој бил организатор на фотографирањето, беа спроведени во полициска станица и казнети со депортација во матичните земји.
Како што објави The Sun, девојките се соблекле голи и позирале за израелска интернет-страница, верзија на американска порно страница.
Светските медиуми ја објавија оваа вест, нарекувајќи ги девојките модели и манекенки. Но, кои се всушност тие?
Една од девојките, Украинката Маријана Федчук призна дека е на фотографиите. За неа ова не е прва посета на Дубаи, бидејќи на Instagram објавува и пишува за Дубаи. Таа за медиумите се претстави како манекенка и модел, а на социјалните мрежи често објавува фотографии на кои е разголена.
27-годишната Јана Грабошчук исто така е приведена од групата на балконот, нејзините родители велат дека знаеле дека ќе патува за Дубаи, за наводна фотосесија.
Јана е дипломиран правник, а работи како келнерка и хостеса. Пред една година почнала да работи како модел.
Судејќи според строгите закони во Емиратите и моменталната депортација, овие девојки наскоро нема да имаат прилика да уживаат во убавините на Дубаи.
Кој е човекот зад сето ова?
Светските медиуми пишуваат дека организатор на патувањето и фотографирањето е украинскиот плејбој Виталиј Гречин, кој има слабост кој убави и разголени жени.
На социјалните мрежи се шири фотографија на која тој свири на клавир, додека е опкружен со повеќе разголени девојки.
