Снимките од непријателското ракување на Антонио Конте и Томас Тухел се вистински хит, а италијанскиот стратег ја зачини приказната со стори на Instagram.
Челси и Тотенхем одиграа 2:2 синоќа во лондонското дерби кое освен интересниот фудбал го одбележаа и двата црвени картони кои ги добија токму Конте и Тухел, длабоко во судиското надополнување.
Конте на стори на својот Instagram профил објави видео како Тухел слави еден од головите и притоа поминува покрај Конте, кој пак со рака на главата гледа в земја и не го ни приметува.
„Среќа не те видов... да те сопнев ќе беше и тоа како заслужено“, напиша Конте на сторито со видеото.
Двата стратега синоќа имаа неколку преписки крај аут линијата, а најжестока беше таа на крајот кога едно обично ракување се претвори во жолчна расправија.
