Вкупно деветмина ракометари на суперлигашот Пролет се позитивни на COVID-19 по што тимот ги прекина тренинзите.
Откако голманот Петар Ангелов, популарниот Диви, беше позитивен пред некој ден, тимот од истоимената скопска населба направи скрининг на сите ракометари и стручниот штаб.
„Резултатите се разочарувачки. И покрај настојувањето за максимално почитување на мерките, дури 8 членови на Пролет од тестираните се позитивни и веќе се ставени во самоизолација“, велат од клубот.
Тимот ги прекина тренинзите уште откако Диви излезе позитивен, а новата ситуација дефинитивно на одреден период ги става во мирување активностите во овој клуб.