Фудбалерите на Србија среде Лисабон славеа со маички на кои беше исцртаната картата на Србија која го вклучува Косово.
Победата на Србија на гости кај Португалија и пласманот директно на Мундијалот во Катар ќе има и трето полувреме.
„ФФК ќе испрати жалба до УЕФА и ФИФА во врска со постапките на српските фудбалери, кои по натпреварот со Португалија се појавија во маици со иредентистички и националистички натписи“, објави Фудбалската федерација на Косово.
Освен маичките на кои Косово е составен дел од Србија, Косоварите како проблем ги потенцираат и песните кои ги пееја српските фуидбалери, како и гестикулирањето со симболот три прсти.
За косовските фудбалски власти проблематична е песната „Весели се српски роде“ која почнува со стихот „Огреало сонце на рамното Косовско поле“.
