Тимот од Штургарт ја обнови соработката со седумкратниот шампион, се пофалија од Мерцедес.
Луис Хамилтон потпиша нов договор со Мерцедес со што и деветта сезона ќе ги брани боите на тимот од Штутгарт во Ф1. Сезоната 2021 ќе биде негова 15-та во кариерата. Ова го потврди германскиот тим.
„Возбуден сум што и натаму ќе се тркам со Мерцедес. Заедно постогнавме неверојатни резултати и едвај чекам да постигнам уште подобри“, вели британскиот возач.
Сапуницата околу тоа дали Хамилтон ќе остане во Мерцедес или не, конечно заврши. Но, новиот договор се однесува на сезоната 2021, барем никоја од страните не посочи дали соработката важи и за сезоната 2022 или повторно ќе бидеме сведоци на сапунични преговори.
