Lamborghini официјално го најави враќањето на легендарниот модел Countach и објавија тизер.
Пред 50 години за првпат го покажаа прототипот на Countach, a сега го најавија враќањето на овој легендарен модел.
На видеото не се откриваат многу детали, се гледа само момче кое го поставува постерот од стариот Countach на ѕид додека нараторот изговара „Што гледате? Нова фотографија која се поставува на ѕид или нов сон којшто ќе се оствари“?
На Instagram е откриено дека моделот ќе го носи името Countach LPI 800-4 што е показател дека станува збор за продукциски модел, а не за концепт.
Ознаката LPI(Longitudinale Posteriore Ibrido) открива дека се работи за хибриден погон, а користена е за хибридниот концепт Asterion од 2014 година.
Се очекува дека новиот Countach ќе биде произведен во ограничен број на примероци.
