Селекторот на машката сениорска ракометна репрезентација, Кирил Лазаров, го објави поширокиот список на ракометари за претстојните последни два натпревара во рамки на втората фаза од квалификациите за ЕУРО 2024.
Репрезентација на Македонија е дел од групата 1 заедно со репрезентациите на Португалија, Турција и Луксембург во квалификациите за пласман на Европското првенство 2024 кое ќе се одржи во период од 10 до 28 јануари 2024 година во Германија.
Сениорите во рамки на ЕХФ неделата ќе одиграат квалификациски натпревари против селекциите на Луксембург и Турција.
Голмани:
Никола Митревски - Порто (Португалија)
Мартин Томовски - Вардар
Марко Кизиќ - Еурофарм Пелистер
Васил Гогов - Вардар
Пивоти:
Никола Маркоски - Алкалоид
Жарко Пешевски - Еурофарм Пелистер
Костадин Петров - Алкалоид
Михаил Аларов - Вардар
Марко Стојковиќ - Алкалоид
Крила:
Гоце Георгиевски - Вардар
Ненад Костески - Еурофарм Пелистер
Мартин Поповски - Амичициа (Швајцарија)
Александар Петковски - Алкалоид
Ален Ќосевски - Вардар
Петар Атанасиевиќ - Еурофарм Пелистер
Цветан Кузманоски - Еурофарм Пелистер
Гоце Ојлески - Еурофарм Пелистер
Давор Палевски - Пролет
Димитар Димитриоски - Ваљадолид (Шпанија)
Бекови:
Мартин Серафимов - Алкалоид
Томислав Јагуриноски - Вардар
Давид Савревски - Алкалоид
Филип Николов - Бутел
Марко Митев - Алкалоид
Марио Танкоски - Еурофарм Пелистер
Игор Ѓоргиев - Алкалоид
Стефан Дрогришки - Охрид
Мартин Карапалевски - Вардар
Филип Кузмановски - Вецлар (Германија)
Филип Талески - Вардар
Михајло Младеновиќ - Алкалоид
Марко Мишевски - Вардар
Павле Атанасиевиќ - Еурофарм Пелистер
Дефанзивци:
Томче Стојановски - Бутел
Едвин Омерагиќ - Алкалоид
Македонија прво на 26 април гостува кај Луксембург, а потоа на 30-ти ја пречекува Турција во СЦ „Борис Трајковски“.
На две кола пред крајот води Португалија со максимални 8 бодови, Македонија и Турција имаат по 4, додека Луксембург нема бодови. Првопласираните две репрезентации ќе се квалификуваат, додека третопласираната може да избори пласман доколку е меѓу четирите најдобро рангирани од сите што завршиле на 3. место. Португалија веќе има обезбедено пласман.
