Легендарниот боксер Мани Пакјао се соочи со бројни последици по поразот од Јорденис Угас во борбата одржана пред четири дена.
Пакјао беше поразен од Кубанецот во борба за ВБА Супер титулата во велтер категорија. Победата дојде по едногласна одлука на судијата во веројатно последната борба на Пакјао, кој ќе остане како единствениот боксер со титули во осум категории.
Последиците од борбата се прилично очигледни на лицето на легендарниот Филипинец.
Неговата сопруга на Instagram објави снимка во која се гледа како го храни сопругот кој има проблеми да ги отвори очите. Евидентни се и трагите од жестоките удари.
„Сопружникот треба да биде вашиот најдобар пријател“, напиша таа покрај снимката на која го храни славниот сопруг.
Пакјао требаше да се бори против Ерол Спенсер Џуниор, но поради повреда му го отстапи местото на Угас.
