Кога еднаш ќе ја направите и пробате, оваа салата ќе почне често да се наоѓа на вашето летно мени. Воедно, и здрава е - витаминска бомба која ја подобрува крвната слика и одлично се вклопува со сите јадења.
Поради високата содржина на витамини од групата Б, калиум и железо, цвеклото е меѓу најздравите зеленчуци. Може да се јаде и свежо рендано и зготвено, а што и да одлучите нема да погрешите.
Потребни состојки:
- 2 помали цвекла
- грст ореви
- 1 целер
- маслиново масло
- јаболков оцет
Подготовка:
Измијте, исчистете и изрендајте ги цвеклото и целерот. Додадете сечкани ореви. Измешајте сè и зачинете со масло и оцет.
По желба можете да додадете и потпечен сусам.