Атланта Хокс по едно продолжение го победија Бостон Селтикс со 123:122. Дежонтеј Мареј и Богдан Богдановиќ му пресудија на лидерот во НБА. Првиот ги постигна сите поени за Атланта во продолжението, вториот погоди двапати во финишот на регуларниот дел.
Атланта Хокс ја забележа четвртата последователна победа во НБА, а капитенот на српската репрезентација со две последователни тројки им овозможи на домаќините продолженијата.
Богдановиќ за 43 минути игра имаше 24 поени (9/19 од поле, 2/8 за три, 4/4 од поле), 7 скока и 5 асистенции.
Атланта до победата ја предводеше Дежонтеј Мареј со рекорд во кариерата од 44 поени, за што му беа потребни дури 44 шута кон кошот на гостите од Бостон.
Тој ги постигна поените за победа на 0,1 секунда пред крајот на продолжението. Мареј беше единствениот играч на Хокс кој постигна поени во продолжението.
Имаше и 7 скока, 7 асистенции и 2 украдени топки. Коби Брајант и Расел Вестбрук се единствените играчи кои имаат повеќе шутеви од игра од Мареј во последните 20 сезони.
Брајант имаше 6 натпревари со најмалку 44 шута. Толку такви настапи имаше Рик Бери, а 4 Елгин Бејлор. Апсолутен рекордер е Вилт Чејмбрлејн со дури 58 натпревари. За илустрација, Мајкл Џордан само еднаш во кариерата на еден натпревар 44 пати шутирал кон кошот на противникот.
Инаку, Мареј имаше повеќе шутеви на овој натпревар отколку првите ѕвезди на Селтикс, Џејсон Тејтум (22) и Џејлен Браун (17) заедно.
Кај Хокс уште се истакнаа и ДиАндре Хантер со 21 поен и 13 скока и Клинт Капела, кој додаде 12 поени и 13 скокови.
Во тимот на Бостон, Џејсон Тејтум постигна 31 поен со 13 скока и 5 асистенции, Дерик Вајт додаде 22 поена, 7 скока и 5 асистенции, а Кристапс Порзињѓис имаше 20 поени и 7 скока.
Бостон е најдобриот тим во НБА со 57 победи и 16 порази и го обезбеди првото место пред плеј-офот во Источната конференција.
Со 34 победи и 39 порази, Атланта е на 10. место кое води во плеј-ин.
Табела:
