Кристијано Роналдо (36) е близу до напуштање на италијанскиот гигант по три години поминати во Јувентус.
За ова во последниве недели се повеќе се пишуваше и зборуваше од сигурни извори, а од Италија доаѓаат вести кои ја поддржуваат оваа теза.
Имено, синоќа во Торино беше снимено како скапите автомобили на легендарниот фудбалер се товарат во специјални камиони, по што тие заминаа во непознат правец.
Роналдо е познат колекционер на луксузни автомобили, а својата колекција ја донесе од Мадрид во Торино кога во летото 2018 го смени Реал со Јувентус, со обештетување од 120 милиони евра.
Фудбалерот поседува два автомобили Bugatti, еден McLaren Senna, Ferrari F12 TDF, Mercedes Class G Brabus, а минатата недела купи Ferrari Monza SP2 за 1,6 милиони евра. Неговите автомобили вредат околу 7,5 милиони евра.
Досега тој одигра 132 натпревари за Јувентус и постигна 101 гол, последниот за победата над Интер (3:2) викендов, со која Јувентус ја задржа шансата да се пласира во Лигата на шампионите на едно коло пред крајот.
Сепак, Јувентус го загуби Скудетото оваа сезона, по девет последователни титули. Му го предаде на Интер. Покрај тоа, „Старата дама“ рано испадна од Лигата на шампионите, каде сега е неизвесен пласманот.
Поради сето ова, се очекува заминување на тренерот Андреа Пирло, како и обнова на тимот што би подразбирала заминување на ветеранот и најскап играч, кого Јувентус го плаќа 30 милиони евра по сезона.
