Венецуелскиот претседател, Николас Мадуро, промовира „чудотворен лек“ за кој тврди дека лечи од COVID-19 без несакани ефекти.
Британските медиуми пренесуваат дека Мадуро пред три дена на телевизија го претстави лекот карвативир, за кој самиот тврди дека е тестиран врз пациенти во болница во Каракас и во спортски центар што се користи како привремена болница.
-Лекот мина низ деветмесечни испитувања, тестирања, клиничка примена врз многу болни луѓе кои беа на респиратори, рече претседателот Мадуро за време на телевизискиот пренос во неделата.
Течноста, според него, се чудесните капки на Хозе Грегори Хернандес, венецуелски лекар кој живеел во 19 век.
Министерството за информации веднаш не одговори на барањето за коментар.
Лекарите велат дека карвативир се темели на мајчина душица, растение кое со векови се користи во традиционалната медицина, но чие влијание врз коронавирусот не е утврдено.
Националната медицинска академија во соопштение објавено вчера рече дека лекот карвативир поседува терапевтски потенцијал против коронавирусот. Но, додаваат научниците во соопштението, попаметно е да се почекаат повеќе податоци од истражувањето за тие да го сметаат за лек против коронавирус.
