Кошаркарите на Бостон Селтикс се првата екипа која избори пласман во второто коло од овогодинешниот плеј-оф за НБА шампион, победувајќи синоќа во четвртиот натпревар од серијата од првото коло против Бруклин Нетс со 116:112.
Избраниците на Стив Неш на разочарувачки начин ја завршија оваа сезона со пораз во својата Барклис Арена, без ниту еднаш да поведат во натпревар во кој немаа право на грешка.
Џејсон Тејтум со 29 поени ги предводеше стрелците на победничката екипа. Џејлен Браун имаше 22 скока и 22 скока. Кевин Дурент успеа да постигне 39 поени за Нетси на овој дуел, но потроши 31 шут.
Селтикс во конференциското полуфинале ќе играат против подобриот од дуелот меѓу Милвоки Бакс и Чикаго Булс во кој актуелниот шампион на НБА води со 3-1. Петтиот натпревар од таа серија е закажан за среда навечер кон четврток.
Очајна ноќ имаа кошаркарите на Јута Џез, кои загубија од Далас со 77:102, со што Маверикс поведоа со 3-2 во серијата.
Маверикс постојано ја градеа својата предност од почетокот на натпреварот, па Лука Дончиќ експлодираше во третата четвртина и го реши прашањето за победникот. Тој постигна 19 од своите 33 поени во третата четвртина. На ова треба да се додадат 13-те скока и петте асистенции.
Џејлен Брунсон постигна 24 поени, додека Џордан Кларксон беше најдобар стрелец кај Џез со 20 поени.
Шестиот натпревар од серијата е закажан за четврток навечер и ќе се игра во Солт Лејк Сити.