Поранешниот легендарен боксер Мајк Тајсон одгледува и продава марихуана во Калифорнија веќе неколку години (држава каде нејзината потрошувачка е легална), а заработката од овој бизнис се брои во милиони.
Бизнисот го почна во 2018 година кога го изгради наменскиот ранч од 16 хектари Tyson Ranch за одгледување медицинска марихуана. Според Cheat Sheet популарниот Челичен Мајк заработува повеќе од 500.000 американски долари месечно.
Сепак, Тајсон има и трошоци со оглед на тоа што, според неговото кажување, пуши марихуана секој ден. Во изјавата дадена во 2019 година, поранешниот боксер призна дека заедно со неговата партнерка Ибен Бритон, одвојуваат околу 40.000 долари месечно за нивните потреби за марихуана.
Така Мајк се истакна и во улогата на успешен бизнисмен, иако во 2003 година прогласи банкрот и покрај фактот што заработи неверојатни 584 милиони долари за време на неговата боксерска кариера.
Денес, поранешниот боксер е задоволен од својата работа и тоа го истакнува во секоја прилика, а покрај тоа, Тајсон неодамна откри дека пушел канабис преднеговата ревијална борба против Рој Џонс кон крајот на минатата година.
