По боксерската кариера, Мани Пакјао ја најави најголемата борба во политичката кариера – ќе се кандидира за претседател на Филипини.
42-годишниот Пакјао важи за еден од најголемите боксери на сите времиња, а во 14-минутно видео на неговиот Facebook профил најави дека ќе се кандидира за претседател на државата.
Поради брзината на ударите, но и движењата во рингот, многумина сметаат дека Пакјао е еден од најдобрите боксери на сите времиња. Тој е првиот боксер кој стана светски шампион во осум различни боксерски категории.
Во кариерата има остварено 62 победи, 8 порази и два нерешени резултати. Последната победа му беше во 2019 година во велтер категорија, кога имаше 40 години.
И претходно Пакјао најави дека ќе се кандидира на претседателските избори во 2022 година на Филипини. Веќе некое време се занимава со политика, моментално е сенатор на горниот дом на филипинскиот Парламент.
