Рускиот тенисер Данил Медведев го победи Австриецот Доминик Тим во финалето на АТП завршниот турнир во Лондон.
Во меч што траеше 2 часа и 42 минути Медведев до трофејот стигна по 2-1 во сетови (4:6, 7:6 и 6:4).
Медведев стана вториот Русин во историјата кој победил на завршниот турнир на АТП. Претходно тоа му успеа на Николај Давиденко во 2009 година.
Наградниот фонд на турнирот изнесува 5,7 милиони долари.