Ирскиот ММА борец Конор Мекгрегор полека се приближува кон враќањето во октагонот на УФЦ, откако доби скршеница на ногата.
Мекгрегор објави видео на Instagram на кое се гледа како со левата нога силно удира во вреќата, а тоа е истата нога што ја скрши минатата година во борбата против Дастин Поарје. На тој натпревар Ирецот се здоби со скршеница на тибијата и фибулата.
„Нешто како феномен“, стои во описот на објавеното видео.
Мекгрегор последен пат победи во 2020 година, во борбата против Доналд Сероне, а последен пат во октагонот влезе во јули 2021 година против Поарје.
Една година подоцна, тој прави сè за да се врати во форма и посакува да освои нова титула. Негова „мета“ е актуелниот шампион Камара Усман, но ја чека борбата за одбрана на појасот против Леон Едвардс која е закажана за 20 август во Сан Хозе, Калифорнија.
