Италијанската премиерка Џорџа Мелони одговори на критиките за тоа што ја повела шестгодишната ќерка на Самитот на Г20, на индонезискиот остров Бали.
Во објава на Facebook напиша дека по два дена „неуморна работа“, се соочила со „неверојатна дебата“ за тоа дали било правилно што со себе ја повела својата ќерка и со неа била во текот на четири дена за време на средбата.
Италијанските медиуми претходно соопштија дека Мелони на Бали допатувала со ќерката и нејзината дадилка.
„Дали мислите дека е ваша работа како ќе ја воспитувам ќерка ми?“, реторички ги праша Мелони во својот пост „иницијаторите“ на дискусијата, додавајќи дека одговорот е „не“.
Лидерката на радикалната десничарска партија Браќа на Италија истакнува дека има право да даде сè од себе за својата држава, без да ја лиши својата ќерка од мајка.
