Аргентинскиот фудбалер Лео Меси го постигна првиот гол во дресот на новиот клуб, ПСЖ. Меси го одбра вистинскиот момент за да постигне погодок и да ја означи победата на ПСЖ против Манчестер Сити во дербито во Лигата на Шампиони.
„Многу сум среќен поради резултатот, но и задоволен од самиот себе. Ова беше исклучително важен натпревар за нас, особено по ремито. Прекрасно беше што го прославивме голот со нашите навивачи“, изјави Меси по натпреварот.
Од почетокот ПСЖ предводеше атомски напад (Меси, Мбапе, Нејмар), а во 74 минута блесна брзата акција со која Меси го постигна голот.
Горд на играчите беше и тренерот Маурисио Почетино кој по мечот изјави дека се исклучително среќни.
Нејмар по синоќешниот триумф над Манчестер Сити со 2 : 0 на Instagram објави фотографија од соблекувалната. На сликата се Бразилецот, Лионел Меси и Килијан Мбапе.
Со оваа фотографија, Нејмар ги демантира шпекулациите кои се појавија во медиумите во последно време за наводни нарушени меѓусебни односи на ѕвездите на ПСЖ.
По две кола во А-групата, ПСЖ и Клуб Бриж имаат по четири бода, Манчестер Sити е трет со три, Лајпциг е последен без освоен бод.
