Капитенот на Аргентина, Лионел Меси, изјави дека нема да ја заврши својата репрезентативна кариера по освојувањето на Светското првенство 2022.
„Нема да ја завршам кариерата во репрезентацијата. Сакам да играм во репрезентацијата на Аргентина како светски шампион“, изјави Меси за TyC Sports.
Меси беше прогласен за најдобар играч на финалниот натпревар на Светското првенство во Катар.
Во синоќешното финале Меси постиган два гола, а се запиша во листата на стрелците и во пенал-рулетот.
Аргентинскиот напаѓач беше прогласен за најдобар играч на Мундијалот во Катар.
Триесет и петгодишниот фудбалер учествуваше на сите 7 натпревари на својата репрезентација. Мундијалот 2022 го заврши со 7 гола и 3 асистенции.
Репрезентацијата на Аргентина по трет пат во историјата стана победник на Светско првенство.
