Лео Меси одигра брилијантна партија против Хрватска во вторникот и ја однесе Аргентина во ново мундијалско финале, а сега ја откри тајната на маестрално изведениот пенал кој хрватскиот докажан пеналџија не успеа да го одбрани.
Доминик Ливаковиќ на овој Мундијал се покажа како одличен голман. Бранеше сјајно на натпреварите, а особено се истакна во пенал-рулетот против Јапонија и Шпанија кога ги одбрани ударите на Минамино, Митома, Јошида и Родриго. И на Меси му ја прочита страната, но ударот беше толку добро изведен што беше немоќен да го одбрани.
Меси призна дека добро се подготвувал за евентуален пенал против Ливаковиќ и детално се посветил на проучување на техниката и тактиката на хрватската единица. Во тоа му помагале неговите соиграчи, голмaните Херонимо Ружи и Емилиано Мартинес.
„Со Ружи и Дибу (Мартинес, заб. на прев.) детално ја проучував техниката на хрватскиот голман, особено кога станува збор за изведувањето пенали. Веднаш сфативме дека секогаш до крај го чека играчот, односно да тој со залетот, погледот и положбата на телото му 'покаже' каде ќе шутира“, откри Меси.
Токму поради тоа шутирал високо и силно.
„Затоа сфатив дека не смее да чекам, туку да шутнам што побрзо. Сите кои против Ливаковиќ чекаат, тешко да постигнат гол. Затоа одлучив да шутнам онака како што направив, и успеав“, дополни.
Аргентина в недела ќе го игра големото финале против Франција, кое е на закажано за 16 часот по македонско време.
