Кошаркарите на Милвоки Бакс намалија на 1-2 во четвртфиналната серија од НБА плеј-офот против Бруклин Нетс откако ноќеска конечно славеа во својата „Фајсерв Форам“ арена.
За победата на домаќините пресудна беше првата четвртина во која Милвоки направи предност од 19 поени разлика, предност која Бруклин докрај не успеа целосно да ја надокнади иако уште во втората четвртина се доближи откако ја доби со 16 разлика.
Во второро полувреме се играше поен за поен, а во драматичната завршница победата сепак ја однесе Милвоки.
Домашните до победата беа предводени од Крис Мидлтон кој оствари 35 поени и 15 скокови, а ништо понезаслужен беше и Јанис Адетокумбо со 33 поени и 14 скокови. Кај гостите се истакна Кевин Дурент со 30 поени и 11 скокови, додека Кајри Ирвинг уфрли 22 поена.
Во вториот натпревар одигран ноќеска, Јута Џез со 117:111 го совлада Лос Анџелес Клиперс во „Вивинт Смарт Хоум“ арената во Солт Лејк Сити и поведе со 2-0 во серијата подобар од 7.
Вечер после полноќ играат Атланта Хокс - Филаделфија 76ерс (1-1) и Денвер Нагетс - Феникс Санс (2-0).
