Италијанската актерка и манекенка Моника Белучи денеска наполни 57 години. Родена е на 30 септември 1964 година како единствено дете во скромно семејство. Кариерата како манекенка ја почнала на 13-годишна возраст.
Во 1988 година се преселила во Милано и почнала соработка со модните креатори Доминик Долче и Стефано Габана, станувајќи заштитно лице на нивниот бренд Dolce & Gabbana.
Во филмските води влегла во почетокот на 90-тите години на минатиот век. Светска слава има стекнато со улогата на Малена. Филмот Malena открива необична приказна за 13-годишниот Ренато опседнат со Малена, најубавата и најпосакувана жена во градот која живее сама затоа што сопругот заминал во војска.
Во овој филм, Моника е претставена како симбол на убавината и шармот. Има глумено во доста филмови, а е првата актерка која во шестата деценија толкуваше улога на Бонд девојка.
Моника е мајка на две ќерки кои ги доби во бракот со Венсан Касел. Ретката комбинација на совршени лице и тело и ја донесе титулата на секс симбол, се смета за една од најубавите жени во светот.
