Извори блиски до Жизел Бундшен неодамна рекоа дека манекенката неколку пати му се има закането со развод на сопругот поради неговата фудбалска кариера.
Бразилската манекенка Жизел Бундшен се консултираше со адвокат за развод од сопругот Том Брејди уште во 2015 година, откриваат извори блиски до брачната двојка. Дури и неколку пати се разделија во текот на годините пред жестоко да се скараат во август, годинава.
„Том и Жизел се пред развод, таа веќе неколку пати му се закани со развод поради неговата фудбалска кариера“, велат нивни блиски извори за таблоидот TMZ.
Брејди повторно се придружи на тимот на Тампа Беј во март, само шест недели откако најави дека ќе се пензионира. Но, изгледа дека се ближи крајот на бракот бидејќи и двајцата ангажирале бракоразводни адвокати на Флорида каде живеат и најверојатно ќе поднесат барање за развод.
Се верува дека сега ги средуваат финансиите. Брејди наводно „тежи“ 250 милиони долари, додека Жизел беше најдобро платената манекенка во светот од 2002 година до 2016 година.
Се венчаа во 2009 година и заедно имаат две деца на возраст од 12 и 9 години, додека Брејди има и 15-годишен син од претходна врска.