Спортскиот директор на Наполи откри дека клубот првично го планирал Ерлинг Браут Холанд за предводник на нападот, но морал да се задоволи со Нигериецот Виктор Осимхен.
Кристиано Џунтоли е поранешен дефанзивец за кого ретко кој надвор од Чизмата слушнал, затоа што настапуваше за клубови од Серија Чи и Ди, односно третата и четвртата италјанска лига. Но, подобро му оди работата на биро бидејќи е спортски директор на Наполи. Токму тој октри една интересна занимливост поврзана со клубот од Неапол и норвешкото чудо Ерлинг Холанд.
„Договорот со Салцбург беше веќе завршен, требаше да ја платиме неговата клаузула од 25 милиони евра. Тој и Осимхен беа наши приоритети, па кога Холанд ја одбра Борусија, тргнавме по Осимхен. За нас, тие беа на исто ниво“, вели Џунтоли зборувајќи за Il Corriere Dello Sport. Веројатно го претпочитале Холанд поради фактот што Осимхен е нигериски државјанин и не се води како ЕУ играч.
Виктор Осимхен дојде во Наполи во септември 2020 година за сума од 75 милиони евра откако Холанд претходно го комплетираше трансферот во Борусија од Дортмунд во јануари истата година.
Денес двајцата се одлични напаѓачи. Холанд растура во Манчлестер Сити, каде се пресели летоска, додека Осимхен веќе трета сезона е во Наполи и има вкупно 33 гола во Серија А. Сезонава по паузата поради повреда игра во одлична форма со 7 гола и 2 асистенции на последните 6 натпревари.
За жал и двајцата нема да ги гледаме во Катар бидејќи ниту Норвешка ниту Нигерија се квалификуваа.