По два неуспешни обиди за воспоставување врска, американската вселенска агенција НАСА официјално го пензионира InSight со што ја заврши неговата мисија на Марс.
InSight за последен пат се „јави“ на 15 декември, но НАСА нема друг избор освен да ја заврши мисијата по два неуспешни обиди за комуникација во текот на оваа недела.
Агенцијата ќе продолжи да „слуша“ сигнали, научниците сметаат дека мали се шансите сондата повторно да оживее.
НАСА во понеделникот ја објави последната фотографија што InSight ја направи на Марс, снимена на 24 април годинава.
Сондата пристигна на Црвената планета во 2018 година, а на соларните панели со години се собира прашина поради што губи енергија.
Од НАСА истакнуваат дека станува збор за продуктивна мисија што траеше 4 години. Со користење на посебно чувствителен сеизмометар, сондата детектира 1.319 потреси на Марс.
Со помош на добиените податоци, научниците заклучија дека јадрото на Марс е двојно помало од јадрото на Земјата.
