Голманот на минхенски Баерн, Мануел Нојер, сподели со спортската јавност информација со каква болест се борел.
Германецот објави дека имал рак на кожата на лицето и дека поради тоа морал да се оперира три пати.
Во видеото кое го објави на Instagram, а во кое зборува заедно со Грен слем шампионката Анжелик Кербер по повод новиот производ за нега на кожа Newkee, славниот голман откри нешто кое никој во фудбалскиот свет не го знаеше.
„Двајцата имаме многу лична историја на кожни болести. Во случајот на Анжелик се работи за хиперпигментација поврзана со сонцето, додека во мојот случај тоа е рак на кожата на лицето поради што беше потребно да ми се направат три операции“, рече Нојер.
„Токму поради тоа моравме да водиме специјална грижа и да не правиме компромиси кога станува збор за заштита од сонцето: бидејќи секогаш сакам да тренирам на отворено, но и да го поминувам слободното време во природа“, додаде тој.
Нојер, кој сега има 36 години, никогаш претходно не открил дека има рак на кожата, поради што останува нејасно кога отсуствувал од терените поради оперативните зафати.
„Кога станува збор за кремите за сончање, внимававме на максимална запштита. Моравме да бидеме сигурни дека со нас имаме крема за сончање која континуирано нѐ штити и со која речиси ништо не може да ни наштети“, изјави тенисерката.
