McLaren го претстави својот целосно нов 720S GT3 Evo за Светскиот шампионат на издржливост на ФИА (WEC) и не е изненадување што изгледа фантастично.
Автомобилот носи нова црна и портокалова боја, доби масивни доводи за воздух од двете страни и сет на продолжени крила, лаковите на тркалата се позаоблени, а бандажите имаат гуми Goodyear наместо оние на Pirelli од минатата сезона. Натпреварувачкиот пар болиди ќе ги носи броевите 65 и 95, што ја означува победата на McLaren на Ле Ман во 1995 година со моделот F1 GTR.
Покрај огромните браници и сплитер, кои се забележително поагресивни од претходникот, пошироко е и задното крило.
Сè уште нема информации за подобрувања на 4,0-литарскиот твин-турбо V8 мотор на M840T, но би можел да развие помеѓу 550 и 600 КС. Повеќето GT3 болиди се фокусирани на аеродинамични трикови наместо на брутална сила за постигнување на најдобри времиња, затоа очекувајте само надворешните подобрувања на McLaren да го подобрат времето на патеката за секунда или две.
Ова ќе биде прв пат McLaren да се натпреварува на сите три Triple Crown трки во иста година, откако во минатото победи на секоја од нив поединечно.
Новата WEC сезона започнува на 2 март во Катар, а шестчлениот екипаж на McLaren ќе учествува на 8 трки, вклучувајќи го и Ле Ман, каде McLaren не бил од 1997 година.