Традиционалниот карневал во Рио де Жанеиро, кој требаше да биде одржан во февруари идната година, е одложен поради пандемијата на COVID-19, потврдија организаторите.
Учесниците на карневалот претходно беа предупредени дека ќе биде исклучително тешко да се организира проба за време на вонредни ситуации. Како што расте бројот на новозаразени во Бразил, организаторите однапред најавија дека карневалот нема да биде одржан.
Со години овој настан привлекува милиони посетители од целиот свет. Сепак, нема да се одржи во 2021 година и светот нема да ужива во глетката на маскирани танчарки и шарени улици спроти Копакабана.
Бразил е една од најтешко погодените земји со пандемијата, во земјата има 4,5 милиони потврдени случаи на коронавирус и над 138.000 смртни случаи.
