Без изненадувања и со две измени за разлика од дебитантскиот настап на претходниот континентален собир, селекторот на македонската одбојкарска репрезентација денеска ги одреди патниците за Финска.
Меѓу четиринаесетте одбојкари на списокот на селекторот Душко Николиќ само двајца се различни од тимот кој го оствари првиот историски деби настап на Европските првенстав во Словенија пред две години. Тоа се Лука Костиќ и Филип Савовски.
Коректор:
Никола Ѓорѓиев
Техничари:
Ѓорѓи Ѓорѓиев
Филип Деспотовски
Примачи:
Александар Љафтов
Владо Милев
Стојан Илиев
Лука Костиќ
Васе Михаилов
Блокери:
Ристо Николов
Филип Маџунков
Филип Савовски
Славе Наков
Либера:
Дарко Ангеловски
Филип Николовски
Од поширокиот список отпаднаа Стојче Арсов, Ефтим Ричлиев и Костадин Ричлиев кои тренираа со репрезентацијата и играа на пријателските натпревари, но сепак ќе мора да почекаат некоја друга шанса за настап на едно големо натпреварување.
До сабота одбојкарите ќе тренираат во Скопје, а потоа заминуваат за Тампере каде од 1 до 8 септември во рамките на групата Ц ќе ги предизвикаат кодомаќинот Финска (1), Холандија (3), Турција (5), Шпанија (6) и Русија (8).
Другите групи се играат во Полска, Чешка и Естонија.
„Пристапот во Финска ќе биде поинаков, македонскиот тим ќе патува без посебен резултатски притисок, но со изразена желба да одигра соодветно, а доколку се случи тоа, можеби и да се надева на чекор понапред од 17-тото место на нашата континентална премиера“, порачуваат од ОФМ.
