Горан Пандев остатокот од сезонава ќе го мине кај второлигашот Парма, потврди клубот.
Веста за овој неочекуван трансфер прв ја објави познатиот спортски новинар Џанлука Ди Марцио, па медиумите почнаа да шпекулираат дека се работи за шестмесечна позајмица. Но, подоцна трансферот го потврди и клубот од Парма и тоа како дефинитивен премин, а не позајмица.
„Парма соопштува дека целосното е откупен Горан Пандев од Џеноа“, кратко објавија „Блучеркјатите“ без да наведат детали од договорот иако се знае дека тој е до крајот на сезонава бидејќи Пандев најави пензија.
Пандев по 6 и пол години ја напушта Џеноа и токму кога клубот се чини дека ќе испадне во Серија Би. Клубот од Џенова јавно се прости од својот досегашен член кој за „Грифоните“ одигра вкупно 187 натпревари во сите натпреварувања и постигна 32 гола, но ниту еден сезонава.
Во својот нов клуб Пандев ќе биде соиграч со легендарниот голман Џанлуиџи Буфон.
На Парма сезонава ѝ оди лошо. Клубот се надеваше на екпресно враќање во Серија А откако лани испадна, но моментално е на 12. место и се надева да дојде барем до 8. место за да игра бараж.
Во Италија Горан претходно играше и за Наполи, Интер, Лацио, Анкона и Специја.
