Легендата на НБА лигата и четирикратен шампион Шекил О'Нил неодамна зборуваше за создавањето на сѐ повеќе супер тимови во најсилната кошаркарска лига во светот. Супер тим направи Голден Стејт Вориорс, а сега такво нешто прават и Лос Анџелес Лејкерс и Бруклин Нетс.
Вориорс своевремено го донесоа Кевин Дјурент да игра со Стеф Кари, Клеј Томпсон и Дрејмонд Грин. Неколку години подоцна, Леброн Џејмс прво го доби Ентони Дејвис како соиграч во Лејкерс, додека сега пристигнуваат Расел Вестбрук, Двајт Хауард, како и Кармело Ентони, ДеАндре Џордан и Реџон Рондо. Од другата страна на САД, сличен тим прави Бруклин со Харден, Дјурент и Ирвинг.
Супер тимовите не секогаш освојувале титули, за што сведочат Торонто Репторс и Милвоки Бакс, а Шекил О'Нил не е љубител на групирање на најдобрите играчи на едно место.
„Момците се баш симпатични и навистина се мрзливи кога сакаат луѓето како мене и Роберт Ори да им покажуваат почит. Верувајте ми, да знаев дека е во ред да се здружам со Хаким и да играм покрај него откако Хјустон ме средија во 1994 година, ќе го направев тоа. Ќе отидев да играм со Тим Данкан и Дејв Робинсон... Но, реков не. Гледав каде крварам, ги видов раните и сакав да ги добијам тие момци, што и направив. Роберт Ори имаше седум, а јас четири титули“, вели Шекил.
