Британските медиуми го откриваат начинот на кој селекторот на Англија, Гарет Саутгејт ги избра играчите кои шутираа пенал во финалето на Европското првенство против Италија, наведувајќи дека овој стручњак знаел пред натпреварот кои играчи ќе ги избере да преземат одговорност.
Се наведува дека фудбалерите на Англија вежбале изведување пенали по секој тренинг уште од септември минатата година, а се додава дека помошникот на Саутгејт и десна рака, Стив Холанд, ги бележел резултатите и дека младиот играч на Арсенал, Букајо Сака не промашил ниту еден удар од пенал.
Потсетуваме, Сака го промаши решавачкиот пенал по кој Италија и официјално стана европски шампион, а Daily Mail пишува дека на тренингот овој млад крилен напаѓач имал подобра статистика во изведувањето на пеналите од Стерлинг и Грелиш, што е една од причините зошто доби шанса да шутира.
Сепак, тие додаваат дека многу англиски играчи биле шокирани кога дознале дека Сака ќе го шутира решавачкиот пенал, и покрај фактот дека на тренинг тоа го правел без грешка, а тамошните медиуми додаваат дека Сака никогаш не шутирал пенал во својата сениорска кариера.
Исто така, се наведува дека од англискиот табор ги советувале своите играчи да пристапат кон пеналот што е можно побавно за да може шо е можно поверодостојно да ги реплицираат условите од тренинг.
Англиската јавност остро го критикуваше тренерот Саутегејт затоа што ги стави Рашфорд и Санчо во игра на две минути пред крајот на судиското продолжение, играчи кои исто така промашија пенал и за фактот дека за крај го имаше Сака, а не поискусните играчи како Стерлинг или Грилиш.