Во Лос Анџелес се одигра 56. Супербоул настан во кој освен рагбито, доминираат и музичките ѕвезди, но и многу скапиот рекламен простор.
За време од околу 30 секунди рекламен простор на NBC е одделено 7 милиони долари, а рекламите беа интересни и разновидни. Имаше и такви со носталгичен карактер, но доминираа и оние во знак на сегашната ситуација со пандемијата и напреднатата технологија.
Централно место зазедоа рекламите за електрични автомобили, брз тест за тестирање на коронавирус во домовите, но и за најконтроверзното во моментов – криптовалутите.
Честа појава е и компаниите, освен скапиот рекламен простор, за Супербоул рекламите да ангажираат и славни личности како Снуп Дог.
Една од компаниите кои имаа реклама на рагби финалето е и Wallbox, компанија за електрични возила чија централна тема во рекламата е маж кој преживеал удар од гром.
Доста имаше и реклами за спортско обложување, легализирано во неколку држави во САД.
