Горан Пандев беше член на златната генерација на Интер, која во 2010 година под водство на Жозе Мурињо ја освои триплета. Откако ја освоија Серија А и Копа Италија, фудбалерите на Интер во финалето на Лигата на шампионите го победија Баерн со 2:0.
Интер в сабота против Манчестер Сити ќе се бори за третата европска круна во клупската историја.
Сити е голем фаворит во финалето, најмногу поради импресивните партии против Реал во полуфиналето. Пандев смета дека Интер има шанси против англискиот првак.
„На хартија, Сити делува како голем фаворит. Интер има оружја со кои може да го стави Сити во тешка позиција. Убеден сум дека ќе го направат тоа. Да не нѐ залажуваат тие 4:0 со Реал Мадрид, зашто сега финалето е на неутрален терен. Сити се борат за триплета, тоа може да биде дополнителен притисок за нив. Сити е тим кој ве турка позади. Тоа се обиде да го направи Баерн во 2010 против нас, но не им успеа. Интер мора да биде добро физички подготвен за финалето, максималната физичка подготовка во ваков меч ја прави разликата“, изјави Пандев за италијанските медиуми.
