Единаесет патници се повредени откако летот за Манчестер доживеал турбуленции, кои агенцијата ги опиша како чудни, на пат од Барбадос.
По крстарењето по Карибите организирано од туристичката агенција P&O Cruises Caribbean, околу 225 луѓе се качиле на летот на Maleth Aero во неделата. Турбуленциите почнале два часа по полетувањето, па авионот бил пренасочен кон Бермудите, пишува BBC.
Веднаш штом авионот слетал, лекарска помош добиле 11 патници со полесни повреди.
„Поради работното време на аеродромот и недостатокот на летови, патниците се сместени во хотелите на Бермудите за време на празничниот период“, изјави портпаролката на P&O.
„Поради чудни и неочекувани турбуленции, летот за Манчестер во неделата наутро од Барбадос беше пренасочен кон Бермуди. Жал ни е за овие проблеми при патувањето, дење и ноќе комунициравме со авиокомпанијата и хотелите за да се грижиме за гостите и да се погрижиме што побрзо да се вратат дома“, заклучи портпаролката на агенцијата.
