Предводникот на Манчестер Сити најави дека наредната сезона тешко дека Ливерпул ќе ја одбрани титулата во Премиер лигата.
Сѐ уште оваа сезона не е завршена, ниту пак Ливерпул математички ја освоил титулата, но Пеп Гуардиола веќе ја планира наредната.
„Кога ја одбранивме титулата станавме први по 10 години кои го направиле тоа. Ете толку е тешко да се направи тоа. Секоја сезона противниците стануваат посилни. Се надевам дека ќе научиме лекција од оваа сезона каде по освојувањето на Суперкупот против Ливерпул почнавме неочекувано да губиме поени“, вели Пеп.
„Граѓаните“ сезонава рано го загубија чекорот со Ливерпул и иако се втори, бодовно премногу заостануваат и само прашање на време е кога „Црвените“ ќе ја заверат титулата.
Затоа, пак, Гуардиола наредната сезона предвидува многу потесна и понеизвесна борба за пехарот, борба во која ќе претендираат повеќе клубови.
„Ливерпул ќе си остане истиот силен тим. Гледаме како Челси инвестира на трансфер-пазарот. Видовме како Манчестер Јуанјтед во последно време направи чекор напред. На Тотенхем ќе му се вратат повредените играчи, па со Сон, Хари Кејн и другите плус искусен стратег како Мурињо и тие ќе бидат силни. Потоа Арсенал на кого му треба повеќе време со Микел, а тука е и Лестер“.
