Pfizer/BioNTech бараат дозвола од ФДА за итно одобрување на нивната вакцина против COVID-19 за деца на возраст од 5 до 11 години, објавија денеска на Twitter.
Aмериканската управа за храна и лекови го одреди 26 октомври како датум за дискусија за пријавата на Pfizer што значи дека децата би можеле да ја примаат оваа вакцина наскоро, пишува Reuters.
Во клиничкото тестирање учествуваа 2.268 ученици при што се докажа дека оваа вакцина, која е одобрена за деца на возраст од 12 до 15 години, дава силен имунолошки одговор.
Вакцината Pfizer/BioNTech за деца на возраст од 12-15 години е одобрена месец дена откако компаниите поднесоа пријава за нејзино одобрување.