Жерар Пике во емисијата El Hormiguero изјави дека никогаш не би играл за Реал Мадрид.
„Тоа е невозможно. Попрво би умрел отколку да играм за Реал, не можат ништо да ми понудат“, изјави тој.
Пике има 34 години и веќе му се ближи крајот на кариерата. Тој откри што сака да прави во иднина.
„Многу соиграчи ми кажале дека е тешко кога ќе се пензионираш. Од дете следиш одредена рутина, а тогаш се менува сè. Мора да се адаптираш на новиот живот. Тешко е. Фудбалерите обично не се спремни на таа промена. Веќе со години се подготвувам за тоа, инвестирав во одредени работи. Ќе има што да правам кога ќе си заминам од фудбалот“.
Лично мислење даде и за освојувањето на седмата Златна топка на Лео Меси.
„Среќен сум што ја доби, тоа е доказ дека е најдобриот на сите времиња“.
