Подгответе се за пролет: 5 парчиња што мора да ги имате во вашата гардероба

АЛЕКСАНДРА СПАСЕСКА
/ 29.02.2024 / 13:45

Убавото време и првите потопли денови конечно пристигнаа, па време е за полесна гардероба, но и за она што баш не ни се допаѓа - средување на плакарот.

Зимски јакни, дебели џемпери, ролки... време е да ги спакувате и да ги замените со кожена јакна, потенки панталони. Доколку сè уште не сте го направиле тоа, пролетта е вистинско време да го подобрите вашиот стил и да блеснете во некои нови модни комбинации.

Ова се пет парчиња кои секоја жена треба да ги има во својата гардероба и на кои секогаш може да се потпре кога е во недоумица што да облече. Исто така, овие пет парчиња се основата околу која можете да правите безброј комбинации. Мојата препорака е секогаш прво да се обидете да го најдете парчето од втора рака, по принцип на размена или купување, да го побарате од локални производители и дизајнери, а само откако ќе ги исцрпите овие опции да го купите ново, од конфекциски бренд. И во тој случај, внимавајте на составот на материјалите и проверете дали брендот работи етички, еколошки и општествено одговорно, бидејќи вистинските модни икони се еколошки освестени.

Бела кошула

Најважното парче облека за пролет (а и за сите сезони!) е секако белата кошула. Кошулата го крева нивото на елеганција. Можете да ја комбинирате со сè: тесни и широки фармерки, елегантни панталони, но и со здолништа. Изберете модел од природни материјали (свила, памук, бамбус, лен), и внимавајте на пропорциите – кошулата не смее да „пука“ на вас, но ни да не биде премногу широка (освен ако не бирате оверсајз модел). Може да ја носите како самостојно парче или да биде еден од слоевите во вашата модна комбинација. За похрабри модни избори, облечете ја кошулата наопаку или врзете ја на интересен начин.

Црни панталони

Црната е боја која секогаш ќе биде во тренд и што секогаш може да се комбинира со сè. Моделот и материјалот се најважни при изборот на вашето основно парче – црните панталони. Изберете природни материјали и пробувајте различни модели додека не го најдете оној што по крој најдобро ви прилега. Наш совет е да се обратите и на локалните кројачи и домашни дизајнери кои би ви скроиле модел по ваша мерка. Комбинациите со црни панталони кои ви стојат беспрекорно се бескрајни!

Црна кожена јакна

Црната кожена јакна, без разлика дали е долга или кратка, одлично оди со сè. Во зависност од изгледот што сакате да го постигнете, можете да ја носите со кошули, но можете да ја носите и со било која обична маичка или со кроп топ. Исто така, што се однесува до фармерките, кожената јакна може да се комбинира со некои широки фармерки и да изгледа фантастично. Кога бирате кожена јакна, како современа модна кралица, мислете на импактот на животната средина: изберете парче од вистинска кожа што е винтиџ или од втора рака; или веганска варијанта, со цел да не го поттикнувате производството на нови парчиња од материјали од животинско потекло.

Дводелен костум

Ако сакате да бидете елегантни, забележани, добредојдени во секоја пригода, било да е тоа кафе, деловен состанок или испит, облечете костум – сако со панталони. Оваа комбинација ќе направи да се чувствувате успешни и остварени. Од друга страна, тоа е одличен избор кога не знаете што да облечете. Може да го носите со патики и со елегантни чевли, а моделот изберете го според вашите преференци. Секое од парчињата од костумот можете да го носите и во посебни комбинации. Советот за избор е ист како и за црните панталони – експериментирајте додека не го најдете моделот што ви прилега или побарајте помош од професионалец. Топло препорачуваме да им дадете шанса на винтиџ моделите од 80-тите и 90-тите кои ќе ги комбинирате со модерни детали!

Спортска јакна

За крај, важно е да се напомене дека покрај елегантни парчиња облека, секогаш мора да имате спортска јакна што ќе ја облечете кога одите на тренинзи, на патувања, кога го шетате вашето домашно милениче или кога одите во продавница. Можете да направите и смели урбани комбинации, особено со ретро моделите.

реклама

Топ 5 најдолговечни животни - некои живеат и илјадници години

Read more

Зошто никогаш не треба да користите мобилен телефон додека сте во тоалет?

Read more

Со 11.100 км/ч за 1 час низ половина свет: Тестот беше успешен, доаѓа ракетен авион?

Read more

Топ 10 најпиратирани филмови на неделата

Read more

Стил

Северина или Ирина?

Read more

Џеј Ло не се откажува од трендот на сезоната

Read more

Преполниот куфер ќе стане минато: Пробајте го генијалниот метод 333

Read more

Нема одмор за најубавата спортска новинарка во светот

Read more
 

Магазин

Тешка недела: Финансиски хороскоп за секој знак од 15 до 21 април

Читај повеќе

Едноставна промена на животниот стил може да го намали крвниот притисок

Читај повеќе

Зошто често се чувствувате уморни во текот на денот?

Читај повеќе

Колку често мажите и жените помислуваат на секс?

Читај повеќе

Стјуардеса откри како ги „казнуваат“ патниците кои не сакаат да го отстапат седиштето на дете

Читај повеќе

Кое е најлошо време да се мерите на вага?

Читај повеќе
Четири типа на пријатели

Четири типа на пријатели кои сите ги имаме

Читај повеќе

Постојано критикување - штетна навика која може да ја уништи врската

Читај повеќе

10 најголеми митови за исхраната во кои треба да престанеме да веруваме

Читај повеќе